«Быд семьяын аслас герой»

«Быд семьяын аслас герой» Автор: Гусельников Ефим Алексеевич, 13 лет, МБОУ «Гуринская СОШ» Педагог: Гусельникова Татьяна Ивановна Война! Кытшӧм лёк, сьӧлӧм бердӧдз локтан кылыс! Ме одзжык эг вежӧртлы мыля мамӧлӧн да бабаӧлӧн петӧны синваэз, кӧр нія видзӧтӧны война кад йылісь киноэз. Ӧні вежӧрта! Тӧда, что куліс уна отир, пуктіс лов Мушар понда, медбы мийӧ олімӧ шуда. Ме гордитча, что менам семьяын эм дорйись. Ӧні гижа бы прадедӧ йылісь, кӧдӧ шуисӧ Гусельников Александр Ивановнич. Чужис эта миян понда дона мортыс Курдюкын. Прадедушкаӧ йылісь меным висьтасис айӧ. Дедушка Сашалӧн ӧтік кокыс вӧлі пуовӧй. Горт гӧгӧрын быдӧс уджсӧ керис ачыс. Сія вӧлі добрӧй, отзывчивӧй, справедливӧй. А кыдз жӧ прадедушкаӧ ӧштіс коксӧ? Прадедушкаӧс босьтісӧ армияас, кӧр сылӧ вӧлі 17 год. Служитіс граница вылын Украинаын, сэтчин и панталіс войнасӧ июнься кыкӧт лунӧ. Медодзза жӧ боибежка коста вӧлі ранитӧм, шедіс пленӧ. Пленас ранитӧм кокыс лӧзӧтіс, и сійӧ орӧтісӧ, немӧн эз мавтӧ, каттисӧ трепиччезӧн. Сэсся прадедушкаӧ и мӧдік пленнӧйез вермисӧ пышшыны. Нылӧ отсалӧм старик- немец, кӧда уджалӧм столовӧйын. Спасибо сылӧ ыджытӧ, что дедӧ кольччис ловья! Прадедушкаӧ абу радейтлӧм баитны война йылісь. Кӧр уськӧтлӧм тӧдвылӧ этӧ гажтӧм кадсӧ, пыр горзывлӧм, жалейтлӧм, что уна отри кулісӧ. Пышшӧм бӧрын прадедушкаӧкыссьӧма пидзӧссэз вылас 600 километр, сёйтӧг, ютӧг, пасьтӧг, миссьытӧг; вывтаныс (конувттэзаныс) вӧлӧмась тойез. Кутам, пӧ, нійӧ быдса кырым. Беднӧйез, кыдз нія мырсисӧ! И вот прадедушкаӧ локтӧма партизаннэз дынӧ, кӧдныкӧт воюйтӧм 1943 годӧдз. Ю Днепр дынын партизаннэз, а нія вӧлӧмась етшаӧн, казялӧмась немецкӧй солдаттэзӧс. Медбы нылӧ не шедны, партизаннэз пукалӧмась ваас ноябрь кадӧ быдмассэз, турун коласын куим сутки, видзчисьӧмась, кӧр немеццез мунасӧ. Но прадедушкаӧ и миян мӧдік солдаттэз вермӧмась взорвайтны немецкӧй техникаӧн кык эшелон. Прадедушкаӧ вӧлі повтӧм солдатӧн, геройӧн. Ме лыддя, что прадедӧ пуктіс ыджыт пай мир понда. Миянлісь геройнымӧс наградитісӧ уна медаллезӧн: эм мӧдік степеня орден, Мужество понда медаль, Г. Жуков нима медаль, юбилейнӧй медаллез. Вечнӧй память тіянлӧ, дона воиннэз! Мийӧ ог вунӧтӧ, мый Тійӧ керит миян понда!