Эссе «Мулöн хозяин»

Эссе. «Мулöн хозяин». Мортлöн образ, кöда йитöм мукöт, пыр нöбöтö ассяма дзарньöв. Это не просто крестьянин, кöда керö сьöкыт удж, а морт, кöдалöн особöй сьöлöм да лов, сы понда ыб, ферма, деревняын олан – не просто места, кытöн туйö шедтыны сьöм, а олан туй. Содтыны-кö эта дынö и ответственность быдса хозяйство понда да сы уджалíссез понда, то петö колхозíсь председательлöн портрет – труженик, юралíсь и аслас мулöн хозяин. Эттшöм мортöн и лоö миян сельскохозяйственнöй производственнöй кооператив колхоз имени Кироваись юралíсь - Михаил Николаевич Трушников. Сылöн асылыс пондöтчö не заседаннёсянь правленнё контораын, а одзся-одз, кöр эшö сук туман паськалö деревняэз вевдöрöт. А уджалан кадыс - точно оз лöсяв öкмыс чассянь кватьöдз. Колхозíсь юралíсь – этö морт, кöда олö вöр-ва законнэзöн, а не будильниклöн тринйöм сьöртí. Сíя вермас ойöн мунны ферма вылö, сíдз кыдз сэтчин кусíс би, мыйкö жугалíс, сэтöн жö ремонтируйтны. А одз асылöн лоны ыб вылын, видзöтны, мымда пинялöм да кöдзöм. Сылöн киэз тöдöны, мый сэтшöм гöр, чер, станок, вундан машина и эшö уна мый…Но медшöр удж - сы юрын и сьöлöмын. Колö лоны и агрономöн - вежöртны, кытчö кöдзны сю, мед чорыт му вылын шогмис бур урожай. Механикöн, кужны небны колана деталь да отсавны лöсьöтны трактор. Экономистöн, чтоб лыддьыны приход да расход, сетны уджалíссезлö колана зарплата. Сы кипод увтын уна ыббез, техника, животноводчесöй комплекссэз, а самöй главнöйыс – отир, уджалíссез. Быдыскöт сíя адззö колана кыв, комромисс, кужö туйдöтны одзлань, мед колхоз уджалíс и вöлí передовöйöн Учöтсянь Михаил Николаевич уджалíс колхозын аслас ыджытжык воннэскöт. Школа кончитöм бöрын да армия бöрсянь получитöм шоферлíсь права, сэтöн жö пырöм колхозö трактористöн. Велöтчöм Техникумын «Уралец», получитöм профессия инженер-механик. А сэсся сувтöтöмась бригадирöн Алековскöй тракторнöй бригадаö, а недыр мыйись лоö колхозöн юралöсьöн и 30 вося унажын ни нуöтö этö ношасö. Особöй пас эттшöм юралíсьлöн – ответственность, требовательность ас дынö и уджалíссез дынö, трудолюбие, аслас му дынö трепетнöй радейтöм. Сылöн дзарньöв пыр югыт и видзöтö ылö одзлань. Кужöмöн сувтöтö моггез, мед олíс деревня, кольччисö томмез, «эз кусö öшынын биэз». Ёна берегитö предоккезлíсь традицияэз, но и кужöмöн пыртö современнöй технологиэз, кокньöтö народлíсь удж. Пока эмöсь эттшöм хозяеваэз, пока муыс ны киэзын, кöдна радейтöны не кылöн, а уджöн да ловöн, то деревнялöн эм одзланся олан. И юралíсь, кöда локтö сёрöн гортас, мыдззöм ни, мавтчöм мазутöн, но честнöя керöм ассис удж, кольччас пыр кежö патриотöн аслас Мулö и Родиналö.