Кань Барсик

                                    Кань Барсик

Öтiк учöтик посадын олiс-вöлiс кань Барсик. Вöлi сiя не сэтшöм, кыдз мöдiк каннес, а öддьöн любопытнöй. Быдса луннэзöн сiя дзарьялiс быдлаö, мый вöлi сы гöгöрын: кайез да шыррез сьöрын, видзöтiс, кыдз кöзяйка пöжалö пирöггез.

   Öтпыр Барсик ветлöтiс вöcкын и казялiс важ, бусöн тырöм небöг. Вевдöрас вöлi гижöм мыйкö невежöртана, а пытшкас - кытшöмкö серпассэз. Кань эз куж лыддьöтны, но сылö öддьöн гленитчисö серпассэз: ны вылын вöлi рисуйтöмась чериэз, нöк и небытик подушкаэз.

   - Вот бы эта быдöс лоис öнi! - думайтiс Барсик и радувьяс нюлыштic ассис пасёксö.

   И сэк жö небöг пондiс басöка югьявны, и Барсик одзö сувтiс нöкöн ыджыт миска. Барсик повзьöмувья чеччöвтiс бокö, но сыбöрын жагöника сибöтчис и пешлic кывнас. Нöк вöлi чöскытся-чöcкыт!

   Сiя лунсянь Барсик вежöртiс: ежели тэныт мыйкö öддьöн колö и синнэзнат адззывны, кыдз эта керсьö, то коланаыс часто пöртчö быльö. Но Барсик вöлi ылöса каньöн и эз понды горшавны: волшебнöй небöглiсь пондiс корны отсöт только бур делоэз понда.

   Öнi, кöр посадас кинлöнкö öшас йöв, нето шыррез йирасö сю, Барсик кайлiс вöcкö, гусьöника сёпкис волшебнöй кыввез и... быдöс чулавлiс. А эшö сiя мукöдпырся корлiс аслыс гажöтчöм понда валерьянка.

   И олic Барсик дыр да шуда.