Привидение (Урӧс)

Привидение (Урӧс). Ӧтпырись ойнас меным лоис охота гуляйтыштны вӧрӧт. Мены пыр интересуйтіс быдӧс страшнӧйыс да необычнӧйыс.Полӧтчан висьттэз меным пыр кажитчисӧ мед интереснӧйезӧн. Ӧтӧрас вӧлі чим пемыт ни. Кӧр ме петі ӧтӧрӧ, кӧдзыт ойся тӧв малыштіс чужӧмӧс. Вӧрыс вӧлі неылын, этасянь ме чожа вӧлі сэтчин ни. Ӧзті фонарик и пыри вӧр пытшкас. Коккезӧ пондісӧ дрӧжитны. Кыдз бы эг старайтчы асьӧс успокоитны, мылякӧ серавно понді повны. Мӧді бертны бӧр, но эта кадӧ фонарикӧ кусіс. Быдлаын лоис пемыт. Спинаӧтям лэдзчисис кӧдзыток. Менӧ пондіс кынтны. Ме казялі, что пуэз коласын мыйкӧ мелькнитіс. Ме мӧді пышшыны, но казяси, что сія, ме бы шуи привиденнё, муніс одзлань и эз думайт керны меным нем умӧльсӧ. Пуэз сайӧ сайласьӧмӧн, ме муні сы бӧрсянь. Сыбӧрын ме сійӧ ӧшті син вылісь и кынымкӧ шаг бӧрті уси му увтӧ. Меным кажитчис, что лэбзи ме дыр, но кӧр локті пыдӧсас, то эз ло зубыт. Кӧр ме осьті синнэзӧс, менӧ слептіс югьялан ю. Сія свиттяліс биэзсянь, кӧдна светитісӧ невежӧртана кысянь. Эта ю весьтын лэбаліс призракыс. Сія вачкисис простыня вылӧ, кӧда вылӧ пӧльтӧ тӧв. Ме пукалі турун вылын и видзӧті сы вылӧ. Вдруг кылі, что сія корӧ менӧ. Коккезӧ пондісӧ асьныс оськавны. Кӧр ме локті сы дынӧдз, нюжӧті киӧс… и уси юас… Сайми ме гортын аслам койкаын. Сьӧлӧмӧ ёна ёткӧтіс. Ме эг вермы веритны, что эта вӧлі вӧт. Бергӧтчи ӧшын ладорӧ и казялі… сійӧ. Урӧс сулаліс ылынкодь и корис менӧ. Ме точно тӧді, что сяс ог вермы мунны. Но вежӧрті, что ашын менӧ видзчисьӧны приключеннёэз…