Сочинение "Менам деревня"

Менам деревня.
Миян деревня аркмӧм 1623 воӧ и пондӧм шусьны Ыджыт Сер. Öткӧ, деревня нюжалӧм Серва ю дорӧт кык километра кузя, мӧдкӧ, бокись деревнясӧ, кӧда аркмис сёрӧнжык, шуӧмась тожӧ Серва, только Учӧт. Пӧрись морттэз висьтасьлiсӧ сэтшӧм висть: «Кӧркӧ миян вӧрпыдӧсӧ шедӧмась куим вон – Варфоломей, Максим да Еремей. Нысянь сэсся и паськалiс куим увтыр – Варкумей, Ерем да Макся». А кӧр 1869 воӧ чулалiс перепись, то миян деревняын лыддисис – 454 морт.
Деревняын сулалiс неыджыт вичку, вӧлi школа, нельки ӧтiк, кадӧ вӧлӧма грибковӧй больница, а эшӧ пожарнӧй дэпо.
Чулалiсӧ годдэз. Быдлаын аркмисӧ колхоззэз. Миянлiсь колхоз нимкоддялiсӧ «Трактор». Вичку местӧ керисӧ клуб.
Кӧр пондӧтчис война, миян деревняись мунiсӧ фронт вылӧ 107 морт, а бертiсӧ бӧр – 30.
Война бӧрсянь олан пондiс вешшыны. Отир пондiсӧ строитчыны. И ӧнi мийӧ гордитчамӧ не только асланым историяӧн, но и отирӧн, кӧдна этӧ историясӧ керисӧ.